又到聖誕,又到聖誕,聽日就係平安夜喇,港鐵董事局非執行主席馬時亨、財政司司長陳茂波、證監會主席唐家成等人,昨日響應支持兒童發展配對基金嘅聖誕頌歌節,聯同一班天真活潑嘅小朋友喺中環置地廣場齊齊大開金口,高唱聖誕歌報佳音,好有聖誕氣氛呀!
除咗報佳音之外,兒童發展配對基金今年仲推出咗個頌歌節網上籌款活動,參加者只要上載自己唱聖誕歌嘅影片上社交平台,並標註「#Carols4HK」,每多一個Like,就多一個善長仁翁捐多一蚊畀基金,幫助更多十至十六歲嘅青少年脫貧,Kelly覺得好有意義啊!
Kelly Chu